2025 жылғы 10 сәуірде жалпы білім беретін мектептердің
8-11 класс оқушылары арасында Республикалық
Мәшһүр-Жүсіп оқуларының облыстық кезеңі Ақтөбе қаласы Ә.Марғұлан атындағы №71 жалпы білім беретін орта мектебінде өткізілді.
Байқауға барлығы 44 оқушы қатысты.
Мақсаты: мектеп оқушылары арасында этнограф, ғалым, дінтанушы, ақын, жазушы, тарихшы Мәшһүр-Жүсіп Көпейұлының мәдени мұрасын насихаттау, жас ұрпақтың қабілеттерін, эстетикалық талғамдарын, сөз сөйлеу мәдениетін дамыту, оларды отаншылдыққа, сүйіспеншілікке тәрбиелеу, тарихи танымдарын, ізгілікке, демократияға және азаматтыққа бағдарланған дүниетанымдары мен сана-сезімдерін, өмірлік айқындамаларын қалыптастыру.
Аталған байқауда аудандық, қалалық іріктеуден өткен оқушылар 4 бағыт бойынша бақтарын сынады. Олар:
1. «Алдыма өлең жаз деп қағаз келген, Сөзімді сөйлеп бақтым мен де білген» - ақындар мүшәйрасы;
2. «Бас болып өнер білсең, тіпті жақсы» - ғылыми зерттеу жобасы;
3. «Білімді зерек адам болам десең!», Қара өзіңді басқаның айнасымен» - эссе жазу;
4. Мәшһүр-Жүсіп шығармалары және «Ұлы даланың ұлы есімдері» – ұлттың ұлы тұлғаларын сипаттау.
Әр номинация бойынша сынға түскен оқушылар арасында топ жарып шыққан бір-бір жас талант Мәшһүр-Жүсіп оқуларының республикалық кезеңіне жолдама алды. Бұған қоса өнерімен, білімімен көзге түскен оқушылар ll және lll-орындарға ие болып, қалған қатысушылар ақын мұрасының насихатталуына үлес қосқандығы үшін арнайы алғыс хаттармен марапатталды.
Республикалық Мәшһүр-Жүсіп оқуларының облыстық кезеңінің ХАТТАМАСЫ
7-8 сынып оқушылары арасында география пәнінен
«Geo Star» Ұлттық олимпиадасының облыстық кезеңі
Шаралар қорытындылары
Жинақтар мен материалдар туралы ақпарат
Болатын шаралар туралы ақпарат
Өткен шаралар туралы ақпарат
"AQTOBE DARYN TALKS" платформасында Ақтөбе облысының үздік педагогтері таратуға лайықты озық тәжірибелерімен бөлісуде